سباع و أسود

إرفـلي يا بنت بالمجد الطـويـل ياأم الأعيان اللي شروا الليل سود وإقبلي مختـالة وْ فِلّي اليـديل دامِك إنتِ في حِما سْباع و أسود كَفّـهم في اليود له مَِـدٍ جزيـل وْصبرهم حِكمة ولكن له حدود وإن نِفَذ صبر الحليم الويل ويل يحذَر إعداه إن تِبَع برقه رعـود حِن هَل الخيل وْهَل السيف الصقيل للصديق ذْراع و للـعـايل لحـود وإقهَوَتنا إمحَمّسه مجدٍ و هيل لو نِهِز فنـيـالها نـنـفِض حشود الأسد صمتـه مهـابـة و الدليل خشمه إن شَمّ الخطر حوله ينود ياكِل كْبـود العِدى نـيـّة وْ يزيل عن حِماه اللي قربها مْن الوجود