جدول حنانه

يوم اسألوني عن حبيبي ويش اسمه قلت اعذروني يا مخاليق مدري مجهول عن غيري وقلبي يعرفه اسمه معي منقوش في وسط صدري اخفيه بعيوني واصونه بروحي الصاحب اللي ما جرحني بغدري اخاف من شي يضره أو يوذيه ما تدركوا ناس معروف عذري أيام حبي له توالت سعاده مرخص بحبي ولا رام هجري مرجح كفة غلاي بغرامه جدول حنانه لي من الحب يجري يجري و مرويني بصادق وداده كنه معي مولود من يوم صغري إن حال العذال بيني وبينه حبه علي جبار بالجور يجري ما بعت في حبه ولا لي غيره تبديل قلبي له من الغير عسري افديه بقرابي وبكل الجماعه واشريه بعيوني وروحي وعمري